>>> Берасце старадаўняе <<<

Зусім ужо хутка, па мерках гораду, Берасце будзе адзначаць свой Міленіум. І гэта вельмі добрая нагода каб яшчэ раз успомніць – чым жыў наш горад гэтыя 10 стагоддзяў, чаго дасягнулі нашыя продкі, што стваралі мясцовыя майстры, якую ролю адыгрываў Брэст у гісторыі сваёй, ды і не толькі сваёй, краіны. Так атрымліваецца, што шмат чаго з берасецейскай спадчыны застаецца ў цяні, безліч усяго страчана, шмат што забытае. Задачы нашай суполкі – адрадзіць усе гістарычныя і культурныя здабыткі нашых продкаў у памяці сучаснікаў, асабліва моладзі. Таксама будзем намагацца стварыць камунікацыйную пляцоўку, для таго каб ідэі і веды пра Берасце заўжды маглі знайсці аўдыторыю ды падтрымку аднадумцаў, каб усе добрыя задумы энтузіастаў былі рэалізаваныя на карысць нашага роднага гораду.