"Беларускія песьні: Традыцыя Адлегласьці"

Арцём і Ганна Лобач разам з этнакрамай "Цудоўня" запрашаюць на прэзентацыю свежага фільма пра пераемнасць традыцый у беларускай музыцы. Якаснага, прафесійна знятага беларускамузычнага кіно. Госця рэдкай пароды ў нашай сінематаграфіі. «Беларускія песьні : традыцыя адлегласьці», пабудаваны вакол творчасці трох сучасных музычных гуртоў, якія пераймаюць і пераасэнсоўваюць: Vuraj, Re1ikt і Shuma і архаічных спеваў бабуль з палескіх вёсак. У аснове - экседыцыі па Палессі, размовы з музыкамі і жыхарамі вёсак. Пабудаваны на мяжы відэаарта, дакументалістыкі і кліпмэйкерства мастацкі пошук вобразаў беларускай песні - вось што мы ўбачым увечары бліжэйшай нядзелі. Фільм пра прымірэнне старога і новага. Разам з тым пазнаёмімся з абрадавымі спевамі і іх сучаснымі варыяцыямі. Пра аўтара: Арцём Лобач - беларускі рэжысёр, дакументаліст, кліпмэйкер. Сярод ягоных работ дакументальныя фільмы“Простыя Рэчы”, “Путь в Дамаск. Часть первая”, гульнёвыя кароткаметражныя фільмы “Дом”, “Сумерки”, “Ближе чем ты думаешь”, музычныя кліпы для The Toobes, J:Mors, Akute, Vuraj и. др. У 2013 годзе скончыў Беларускую Дзяржаўную Акадэмію Мастацтваў у Менску па спецыяльнасці "Рэжысура кіно і ТБ". На дадзены момант - навучэнец польскай "Школы кінарэжысуры Анджэя Вайды". На 22-м менскім міжнародным фестывалі "Лістапад" ягоны “Путь в Дамаск” атрымаў “Специальный приз Парламентского Собрания Союза Беларуси и России «За верность нравственным идеалам в киноискусстве». 15 студзеня, 19.00 В.Траецкая, 14, этнакрама "Цудоўня". Уваход - вольнае ахвяраванне на развіццё прасторы.