“Башҡортостан – аҡ тирмәләр иле”

ஜ═════════ஜ۩۞۩ஜ═════════ஜ Халыҡ шағиры Ҡәҙим Аралбай – бөгөнгө башҡорт поэзияһының иң алғы сафтарында атлаусы шағирҙарҙың береһе. Уның һәр яңы шиғыры йәки поэмаһы хәҙерге замандың иң ҡырҡыу милли, әхлаҡи-этик, социаль-сәйәси, рухи-мәҙәни мәсьәләләрен күтәреп сығыуы, шағирҙың үткерлеге, саялығы менән һиҫкәндерә. Ҡыйыулыҡ һәм тәүәккәллек – Ҡәҙим Аралбай шиғриәтенең хәл иткес сифаттары. Нәҡ ана шуның өсөн яраталар ҙа шағирҙы киң ҡатлам уҡыусылар. Тап ошоно раҫлап, “Шоңҡар” журналы күренекле шағирҙың шиғырҙарын башҡарыуға “Башҡортостан – аҡ тирмәләр иле” исемле Интернет-конкурс иғлан итә. Был бәйге видеоформатта үтә. Бының өсөн һеҙҙән нимә талап ителә? Шағир яҙған иң яратҡан шиғырығыҙҙы яттан һөйләп видеокамераға йә кеҫә телефонына яҙҙыраһығыҙ ҙа… һәм алға! Йәғни үҙегеҙ һөйләп төшкән видеояҙманы ошо адрес – vk.com/kadim_aralbay_konkurs – буйынса үтеп, “Видеояҙмалар” тигән бүлеккә һалаһығыҙ! ИҪКӘРМӘ! Конкурста ҡатнашыусылар мотлаҡ “Шоңҡар” журналына 2016 йылдың икенсе ярты йыллығына яҙылған булырға тейеш! Ярыштың маҡсаты: Туған телебеҙгә ихтирам, ватансылыҡ тойғоһо тәрбиәләү, шағирыбыҙҙың ижадына хөрмәт-һөйөү күрһәтеү. Еңеүселәр. Еңеүселәр Интернет-конкурста ҡатнашыусы видеороликтар йыйған тауыштар иҫәбе һәм жюри ағзаларының фекере буйынса билдәләнәсәк. Тауыш биреү системаһы буйынса дәғүәләр ҡабул ителмәй. Кем нисек теләй, шулай йыя. Төрлө программалар ярҙамында мутлашып тауыштар һанын арттырыу тыйыла һәм тикшереләсәк. Бүләктәр: I урын – фотоаппарат! II урын – “БашАрт”тан өс ҡатнашыусыға Ҡәҙим Аралбайҙың шиғыр юлдары менән биҙәлгән берәр футболка! III урын – редакциянан иҫтәлекле бүләктәр! Шулай уҡ һәр ҡатнашыусыға – редакциянан Маҡтау ҡағыҙы! ЖЮРИ составы: Ҡәҙим Аралбай, Башҡортостандың халыҡ шағиры; Мөнир Ҡунафин, “Шоңҡар” журналының баш мөхәррире; Дамир Шәрәфетдинов, “Ағиҙел” журналының яуаплы сәркәтибе; Фәрзәнә Аҡбулатова, күренекле яҙыусы; Ләйлә Аралбаева, “Башинформ” мәғлүмәт агентлығының күҙәтеүсе&#1211