Бөрйән башҡорттары ҡоролтайы

Бөрйән башҡорттары ҡоролтайы Бөтә донъя башҡорттары ҡоролтайы (конгресы) ҡанаты аҫтында, ошо ҙур йәмәғәт ойошмаһының Уставына ярашлы, эшләй. Бөгөн район башҡорттары ҡоролтай башҡарма комитетын район мәғариф бүлеге начальнигы Шәрипов Ришат Булат улы етәкләй. Бөрйән башҡорттары ҡоролтайының сайтын булдырыуҙың маҡсаты – халыҡты бер тупҡа туплау,ил-көн яҙмышын бергәләп хәл итеү, район башҡорттарының хәл-торошо менән даими таныштырып барыу, булған проблемаларҙы бергәләп йырып сығыу, киләсәк быуында милли үҙаң, рух, илһөйәрлек,телһөйәрлек тәрбиәләү. Милләтебеҙҙең аҫыл асылына ҡайтыу юлдарын бергәләп эҙләү, матур эш, тәжрибә өлгөләре менән уртаҡлашыу, халҡыбыҙҙың матур йола-традицияларын пропагандалау, ғөмүмән, башҡортлоғобоҙҙо һүҙ менән генә түгел, эш менән дәлилләү. Ҡәҙерле милләттәштәр! Был сайтты кемдәрҙеңдер яҙыҡ яғын эҙләүҙән, кемгәлер ниндәйҙер яла яғыуҙан, кеше хатаһында ҡаҙыныуҙан азат итәйек! Берҙәм илдә бәрәкәт бар, ғауғалы илдә һәләкәт бар, ти халыҡ мәҡәле.