Акустыка: Rahis і Паліна Рэспубліка

Адзін з прыемных акустычных вечароў, што вельмі пасуюць "Графіці" сваёй ўтульнай хатняй атмасферай, адбудзецца ў клюбе на завулку Калініна ў бліжэйшы чацьвер. Для вас выступяць адны з найбольш цікавых "гітарных" беларускіх артыстаў. Гурт Rahis даўно вядомы айчыннаму слухачу, акорды і тэксты ўжо сталі народнымі, а калектыў перажыў некалькі рэінкарнацый, выступаючы і з моцнай электрычнай праграмай. Цяпер Дзяніс і Зьміцер зноўку unplugged зайграюць для вас улюбёныя баляды. Паслухаць альбом "Сшытак з тэкстамі ў малюнках": http://rahis.generation.by/ Новая зорка на беларускае сцэне, Паліна Рэспубліка, зусім нядаўна ўварвалася ў сферу айчыннай музыкі, аднак хутка займела вялізнае кола прыхільнікаў. 18-гадовая дзеўчына заварожвае шчырымі, простымі і таленавітымі тэкстамі, гэтак і музыкай: Паліна пасьпела нават запісаць песьню з рок-гуртом "Hasta La Fillsta". Паслухаць: http://tuzin.fm/tags/palina Поўны кошык талентаў - для вас 17 траўня. Квіткі: 50 000 рублёў. Інфалінія: +375 (25/29/33) 638-4444 ластфм: http://www.last.fm/event/3286065