Abo2 Ethno BeatBox

21-га сакавіка ў 19:00 музычны эксперыментальны праект АБО2 прэзентуе сваю праграму, у якой яго удзельнікі імкнуцца спалучыць традыцыйныя народныя беларускія спевы і сучасныя музычныя стылі. Гурт складаецца з двух сяброў, аматараў добрай музыкі. АБОДВА яны – ў мінулым чальцы фольк-гурта ДжамБіБум, распрацоўкамі якога хлопцы актыўна карыстаюцца ў сваім новым праекце. Падчас сваіх выступаў удзельнікі АБО2 ужываюць традыцыйныя інструменты (такія як гітара, флейта, армянскі дудук і афрыканскія джамбэ), але разам з тым гучаць і сучасныя электронныя дэвайсы, якія дазваляюць выкарыстаць такія тэхнікі як біт-боксінг і лайф-лупінг. Што тычыцца вакалу, то замест традыцыйнага гарманічнага шматгалосся, якое характэрна для беларускіх народных песен, АБОДВА выбралі свой, “вулічны” стыль выканання, найбольш блізкі хлопцам па духу Суперутульная атмасфера тайм-кафэ Come_in, дзе адбудзецца выступ, падштурхоўвае да камернага прыемнага гучання, мікрафоны і барабаны патрабуюць жорсткага фармату вуліц і падземных пераходаў… Ці здолеюць процілегласці з’яднацца і хаця б на імгненне стварыць новую музычную рэчаіснасць? Прыходзьце і паслухайце самі! Кошт уваходу: 50 тбр Сюды ўваходзяць як сам канцэрт, так і зазвычай прапанаваныя ў тайм-кафэ кава, гарбата, печыва і 2 прыемныя вечаровыя гадзіны пятніцы ў самым цэнтры сталіцы!