Аўтарскі вечар Ільлі Фаляжынскага

Ён доўга вагаўся, гайдаўся і хістаўся, але рашучасьць перамагла! Знакаміты менскі клюб "Графіці" 4 ліпеня наведае летуценьнік з шэрага і паглынальнага марыва, аўтар-выканаўца няўпэўненага стылю Ільля Фаляжынскі. Акрамя акустычных песень прагучыць і сучасная паэзія - сваімі выкшталцонымі і стылёвымі вершамі напоўніць гэтую імпрэзу таленавітая паэтка зь вялікай літары Кацярына Массэ. Uwaga! Ільля прадэманструе свае кухарскія здольнасьці і пачастуе ўсіх наведвальнікаў канцэрта ўласнасьпечанай шарлоткай (можа быць і не адной!). Пачатак канцэрту - 19.00 Кошт уваходу: 5 бел. руб.