27.10 / Вечар вечных вершаў / Грай

27 кастрычніка "Арт Сядзіба" запрашае на імпрэзу "Вечар вечных вершаў", прысвечаную рэпрэсаваным у 1930-я гады літаратарам. Творы рэпрэсаваных дзеячаў беларускай культуры прачытаюць Павал Гарадніцкі, Ганна Севярынец, Віка Трэнас, Таццяна Нядбай, Яўген Змушка і маладыя паэты. Музыку на вершы рэпрэсаваных літаратараў зайграюць Кацярына Ваданосава & Fantasy Orchestra, Павал Аракелян і Hvedar Groovich. 82 гады таму, у ноч з 29 на 30 кастрычніка 1937 году, у сутарэннях мінскай унутранай турмы НКВД “амерыканкі” былі расстраляныя больш за 100 прадстаўнікоў інтэлектуальнай эліты БССР: літаратары, дзяржаўныя дзеячы і навукоўцы. Імпрэза пройдзе ў кавярні “Грай”. Пачатак а 19.00. УВАХОД ВОЛЬНЫ!