20 кастрычніка .ιllιlι.ιl.N.R.M..ιllιlι.ι. ВЕРХ

N.R.M. прэзентуе новы кліп, зняты літаральна ў вольным падзенні! 20 кастрычніка ў менскай арт-прасторы ВЕРХ адбудзецца канцэрт-прэзентацыя новага кліпу N.R.M. - "На далоні". Дзеля здымкаў гэтага відэа музыкі пражылі адзін дзень поплеч з камандай сапраўдных авіяспартсменаў, а гітарыст Піт Паўлаў узгадаў сваё дэсантнае мінулае і зноў скочыў з парашютам. На прэзентацыі вы даведаецеся аб тым, чым жывуць прафесійныя парашюцісты, што патрэбна ведаць, каб "крочыць ды паляцець", навучыцеся правільна ўкладаць парашют і, натуральна, атрымаеце канцэрт любімага рок-гурта і прагледзіце новы кліп. На музычнай пляцоўцы вас чакае спалучэнне брутальнага гучання ад каралёў беларускай рок-сцэны N.R.M., сентыментальнага і глыбокага дрым-попу ад маладой каманды "Ее Ослепительное Сияние", і вулічнага груву са старадаўнімі беларускімі тэкстамі ад праекту Этна Біт. А яшчэ… вы пабачыце выставу малюнкау са скэтчбука Піта Паўлава у рамках прэзентацыі праекту Піт-Мастак. Падчас канцэрту будзе магчымасць пазнаеміцца і набыць для сябе якасны мерч і сувэніры ад маладых беларускіх брэндаў. Адмысловыя госці: "Ее Ослепительное Сияние" (https://vk.com/lux678) ЭтнаБіт (https://vk.com/ethno_beat) 20 кастрычніка 19:00 Месца: ВЕРХ, вул. Куйбышава, 22, 6 паверх Квіткі: папярэдне - 10 руб. на месцы - 15 руб. Набыць квіткі можна на: https://tamtam.by/nrm