17 лютага:кватэрнік Re1ikt у доме-музеі Я.Коласа

Акустычны канцэрт гурта Re1ikt Дзяржаўны літаратурна-мемарыяльны музей Якуба Коласа (вул. Акадэмічная, 5) 17 лютага, пачатак 19:00 Уваход: 40,000 рублёў Фолк-рок гурт Re1ikt дасць акустычны канцэрт у Дзяржаўным літаратурна-мемарыяльным музеі Якуба Коласа ў Мінску 17 лютага. Гэта будзе першы сольны выступ гурта ў гэтым годзе. Канцэрт адбудзецца ў межах праекта “Кватэрнік у Дзядзькі Якуба”. Музыкі плануюць адыграць старыя песні і ўпершыню выканаюць у акустыцы кампазіцыі з новага альбома “Лекавыя травы”. Альбом «Лекавыя травы» быў прэзентаваны напрыканцы мінулага года ў клубе Re:Public. Дыск ведьмі добра сустрэла публіка, а таксама музычныя крытыкі. На партале Experty.by рэліз прэтэндуе на званне «Альбом года». Re1ikt – беларускі гурт, які працуе ў напрамках progressive rock, post-rock і alternative rock. Каманда спалучае іх з традыцыйным беларускім песенным фальклорам, які творча пераасэнсоўвае і робіць актуальным для сучаснага слухача. Калектыў з'яўляецца уладальнікам шэрагу музычных узнагарод у Польшчы і Беларусі, выступаў ва Украіне, у Літве, Расіі. Бліжэйшыя выступы Re1ikt: - 24 лютага канцэрт «Песні матчыны з Вушаччыны» да дня народзінаў народнага паэта Беларусі Рыгора Барадуліна у Малой залі БелДзяржФілармоніі - 3 сакавіка сольны канцэрт у TNT Rock Club