17/04 - Vuraj (Беларусь) і T/Aboret (Польшча)

17 красавіка: сумесны канцэрт гуртоў Vuraj і T/Aboret Упершыню на адной сцэне: два самабытныя, адметныя, загадкавыя этна-калектывы – польскі T/Aboret і беларускі Vuraj, якія прафесійна працуюць з фальклёрам і ствараюць яго новыя формы. T/Aboret (Польшча) – гурт, музычныя цікавасці артыстаў якога вельмі разнастайныя, але калі музыкі збіраюцца разам, то граюць этна-джазавыя імправізацыі. Квартэт узнік у Варшаве, перамог у XXV Міжнародным фестывалі «Mikołajki Folkowe» і здабывае ўсё большую папулярнасць у Польшчы. Для гурта гэта будзе першы канцэрт у Беларусі. Vuraj (Беларусь) – калектыў, вядомы на фольк-сцэне Беларусі і суседняга замежжа. Сёлета гурт справіў свае 7 год і рыхтуе новыя этна-эксперыменты. Наперадзе запіс трэцяга альбому – зборніка палескіх песен «Lito». Сяржук Доўгушаў, лідар гурта, з’яўляецца адным з галоўных папулярызатараў беларускай традыцыйнай музыкі. Песні, знойдзеныя ў фальклёрных экспедыцыях, з’яўляюцца фундаментам рэпертуару Vuraj. Vuraj разам з варшаўскім сябрамі T/Aboret рыхтуюць містычны арт-фолькавы канцэрт. Ён адбудзецца 17 красавіка ў клубе BRUGGE (пр. Партызанскі, 6А). Пачатак а 19-й. Інфалінія: +37525 9969376, +37533 6611432. Квіткі: Першыя 50 квіткоў – 9 руб. (Запіс па квіткі: https://vk.com/topic-163134413_37677120) Наступныя 30 – 12 руб Наступныя: 15 руб. У дзень канцэрта – 20 руб. http://afisha.bycard.by/performance/sumesny_kancert_gurto_Vuraj__TAboret#session=500947